नेकपाका कार्यकर्ताले फेसबुक, टि्वटरमा आफ्ना नेताविरुद्ध लेख्न नपाउने

0
893

काठमाडौं । सत्तारुढ नेपाल कम्युनिष्ट पार्टी (नेकपाका) नेता-कार्यकर्ताहरुले आफुलाई चित्त नाबुजेको नेता होस वा उनीहरुको कार्य, नेकपाका कार्यकर्ता र नेताहरुले खुलेर सामाजिक संजाल मार्फत खुलेर नै बिरोध गर्दै आइरहेका थिए । उनीहरुले अहिलेसम्म खुलेरै आफ्नै पार्टीका नेताविरुद्ध सामाजिक सञ्जालमा आलोचना गर्ने स्वतन्त्रता पाइरहेका थिए । अब त्यस्तो आफ्नै पाटीको नेताहरुको आलोचना गर्न नपाउने गरी उनीहरुमाथि प्रतिबन्ध लगाइने भएको छ ।

नेकपाका कार्यकर्ताले फेसबुक, टि्वटरमा आफ्ना नेताविरुद्ध लेख्न नपाउने, Nepal News
नेकपाका कार्यकर्ताले फेसबुक, टि्वटरमा आफ्ना नेताविरुद्ध लेख्न नपाउने, Nepal News

भोलि शुक्रबार बस्ने स्थायी कमिटीको बैठकले नेकपाका कार्यकर्ताहरुलाई सामाजिक सञ्जालमा नेताविरुद्ध जथाभावी लेखेर बिरोध गर्न नदिने निर्णय गर्न लागिएको हो । स्थायी कमिटीको बैठक अगावै बाहिरिएको अध्यक्षद्वय केपी ओली र प्रचण्डको संयुक्त प्रतिवेदनमा कार्यकर्ताहरुले नेताविरुद्ध केहि पनि लेख्न नपाउने भनिएको छ ।

स्थायी कमिटीको बैठकका लागि तयार पारिएको प्रस्तावमा यस्तो भनिएको छ, ‘पार्टीको नीति, नेता र कार्यकर्ताविरुद्ध सामाजिक सञ्जालमा जथाभावी लेखेर बिरोध गर्न र पार्टी हित विपरीत गतिविधि गर्ने प्रवृत्तिलाई कडाइका साथ रोक्न जिम्मेवार नेकपाका कमरेडहरु र सम्वद सबैलाई यो बैठकले निर्देशित गर्दछ ।’

अध्यक्षद्वयको प्रस्तावमा भनिएको छ, ‘समग्र पार्टी र तीनै तहको सरकारको काममा समेत फैलिँदै गएको गुटबन्दीको असरलाई विधि, पद्दति र संस्थागत निर्णयको प्रभावकारी कार्यान्वयनद्वारा समाधान गर्ने र सवैप्रकारका अनेकता, अराजकता र अनुशासनहीनता एवं गुटबन्दीपूर्ण क्रियाकलापलाई नियन्त्रण गर्ने निर्णय गर्दछ ।’

यो भिडियो पनि हेर्नुहोस

त्यस्तै नेकपा स्थायी कमिटीको बैठक नबस्दै अध्यक्ष केपी ओली र प्रचण्डको प्रस्ताव मिडियामार्फत बाहिरिएकोमा केन्द्रीय सदस्य विष्णु रिजालले असन्तुष्टि प्रकट गर्दै फेसबुकमार्फत व्यंग्य प्रहार गरेका छन् 

केन्द्रीय सदस्य विष्णु रिजाल सामाजिक संजाल फेसबुकमा लेख्छन्, ‘नेकपा कम्ति पारदर्शी छ त ? कार्यदलले तयार पारेको प्रतिवेदन छलफल त के सचिवालय सदस्यकै हातमा नपुग्दै पीडीएफ फाइल नै बाहिरी सक्यो’ विष्णु रिजालले फेसबुकमा लेखेका छन् ‘अध्यक्षद्वयले तयार गरेको प्रतिवेदन स्थायी समिति सदस्यहरुको हातमा पुग्न  नपाउदै सार्वजनिक भयो । छलफलै नभई सार्वजनिक गर्न के-को हतार हो ? नेकपा स्थायी कमिटीको बैठकसम्म त पेस हुन दिए हुन्थ्यो नि !’

LEAVE A REPLY

Please enter your comment!
Please enter your name here